Einelti kemur okkur öllum við

Samþykkt var tillaga mín í borgarstjórn í gær að ákveðinn dagur ár hvert verði helgaður barráttunni gegn einelti. Brýnt er að vekja athygli á því hversu alvarlegar afleiðingar einelti getur haft í för með sér. Einelti getur sett   varanlegt mark sitt á líf þeirra einstaklinga sem verða fyrir því. Einelti getur átt sér stað víða í samfélaginu m.a.   í skólum og á vinnustöðum. Rannsóknir sýna að líkurnar á einelti aukist í kjölfar slæms efnahagsástands og kreppu og því  mikilvægt að minna borgarbúa og borgarstarfsmenn með reglubundnum hætti á hættur og afleiðingar eineltis.Einelti kemur okkur öllum við og við berum öll ábyrgð.